“પોરબંદરના ખેડૂત પુત્રની ‘કિસાન કા બેટા’ આઈડી (ટ્વિટર) X પર હાઈવોલ્ટેજ ફેમસ, 10 હજારથી વધુ ફોલોઅર્સ જોડાયા ”
પોરબંદરના ખેડૂત પુત્ર દિલીપ ગોઢાણીયાએ સોશિયલ મીડિયામાં ઊભી કરી નવી ઓળખ
ટેકનોલોજીના યુગમાં સોશિયલ મીડિયા માત્ર મનોરંજન પૂરતું ન રહી, પરંતુ વિચાર, સંઘર્ષ અને ઓળખનું શક્તિશાળી માધ્યમ બની રહ્યું છે. આવા સમયમાં પોરબંદરના ખેડૂત પુત્ર દિલીપ ગોધણીયાની ટ્વીટર (X) પરની “કિસાન કા બેટા” નામની આઈડી વિશેષ ચર્ચામાં આવી છે. આ આઈડીને અત્યાર સુધી 10 હજારથી વધુ ફોલોઅર્સ જોડાયા છે, જે પોતાની જાતે જ એક નોંધપાત્ર સિદ્ધિ ગણાય છે.
દિલીપ ગોઢાણીયા મૂળ પોરબંદર જિલ્લાના ખેડૂત પરિવારમાંથી આવે છે. ગ્રામ્ય પૃષ્ઠભૂમિ હોવા છતાં તેમણે ટેકનોલોજી અને સોશિયલ મીડિયાને પોતાનો અવાજ બનાવવા માટે ઉપયોગ કર્યો છે. “કિસાન કા બેટા” નામની આઈડી મારફતે તેઓ ખેડૂતોના પ્રશ્નો, ગ્રામ્ય વિસ્તારોની સમસ્યાઓ, ખેતી સંબંધિત મુદ્દાઓ તેમજ સામાન્ય માણસના હિતની વાતો નિર્ભયતાથી રજૂ કરે છે.
તેમની ટ્વીટ્સમાં ખેડૂત જીવનની વાસ્તવિકતાઓ, ખેતીમાં આવતા પડકારો, સરકારની યોજનાઓ, તેમજ સમાજમાં ચાલી રહેલા વિષયો પર સ્પષ્ટ અને તર્કસંગત અભિપ્રાય જોવા મળે છે. સાદી ભાષા અને સીધી વાત કરવાની તેમની શૈલીને કારણે દેશ-વિદેશના અનેક લોકો તેમની પોસ્ટ્સ સાથે જોડાઈ રહ્યા છે.
ખાસ વાત એ છે કે દિલીપ ગોઢાણીયાની આ સફળતા કોઈ મોટા પ્લેટફોર્મ કે પ્રચારના આધારે નહીં, પરંતુ વિચારની તાકાત અને સતત સક્રિયતાના કારણે મળી છે. “કિસાન કા બેટા” આઈડી આજે માત્ર એક સોશિયલ મીડિયા એકાઉન્ટ નહીં, પરંતુ ખેડૂતોના સ્વાભિમાન અને અવાજનું પ્રતીક બની રહ્યું છે.
ગ્રામ્ય વિસ્તારના યુવાનો માટે દિલીપ ગોઢાણીયા એક પ્રેરણારૂપ ઉદાહરણ બન્યા છે કે મજબૂત વિચાર, સાચો મુદ્દો અને સતત મહેનત હોય તો કોઈપણ વ્યક્તિ ટેકનોલોજીના યુગમાં પોતાની ઓળખ બનાવી શકે છે. 10 હજારથી વધુ ફોલોઅર્સ સાથે “કિસાન કા બેટા” આઈડી આવનારા સમયમાં વધુ મોટો પ્રભાવ ઊભો કરશે તેવી આશા વ્યક્ત કરવામાં આવી રહી છે.
