પોરબંદરમાં વિશ્વનો સૌથી મોટો જલપરી પાર્ક – એક અભૂતપૂર્વ સંભાવના( નિમેશ ગોંડલીયા)
સત્ય અને અહિંસાના પૂજારી મહાત્મા ગાંધીનું જન્મસ્થળ અને કૃષ્ણસખા સુદામાનું કર્મસ્થળ – પોરબંદર. અરબી સમુદ્રના કિનારે વસેલું આ શહેર માછીમારીના વ્યવસાય, દરિયાઈ ખેતી અને વહાણવટાના વેપાર માટે જાણીતા છે. પરંતુ પ્રવાસન ક્ષેત્રે જોવામાં આવે તો પોરબંદર હજુ સુધી ગુજરાતના અન્ય જિલ્લાઓની સરખામણીમાં પાછળ છે. તાજેતરમાં જન્માષ્ટમી મેળામાં “જલપરી થીમવાળું એક્વેરિયમ” મૂકાયું, જેને સ્થાનિકો અને પ્રવાસીઓએ ભારે આવકાર આપ્યો છે. આ એક્ઝિબિશનના ધંધાર્થીને વિશાળ આવક પણ થઈ. આ જ સંકેત છે કે પોરબંદરમાં “વિશ્વનો સૌથી મોટો જલપરી પાર્ક” સ્થાપવાનો વિચાર કેટલો સફળ સાબિત થઈ શકે છે.
વિશ્વના મહાન એક્વેરિયમોની ઝાંખી
વિશ્વભરમાં દરિયાઈ જીવનને કેન્દ્રમાં રાખીને અનેક એક્વેરિયમ અને પાર્ક સ્થાપાયા છે.
Chimelong Spaceship Aquarium, ચીન – 75 મિલિયન લિટર પાણી ક્ષમતા ધરાવતું, દુનિયાનું સૌથી મોટું એક્વેરિયમ.
SeaWorld Abu Dhabi – 58 મિલિયન લિટર પાણી સાથે વિશાળ દરિયાઈ થીમ પાર્ક.
Chimelong Ocean Kingdom, ચીન – 48.75 મિલિયન લિટર ક્ષમતા સાથે ગિનીઝ વર્લ્ડ રેકોર્ડ ધારક.
S.E.A. Aquarium, સિંગાપોર – એક વખત વિશ્વનું સૌથી મોટું, 45.2 મિલિયન લિટર ક્ષમતા ધરાવતું.
ભારતમાં બેંગલુરુમાં “Aquarium Paradise” મેરમેઇડ શો અને અંડરવૉટર ટનલ માટે જાણીતું છે.
પોરબંદર માટેની સંભાવના
પોરબંદર પાસે દરિયાકાંઠાનો વિશાળ વિસ્તાર ઉપલબ્ધ છે, જે પર્યટન વિકાસ માટે ઉપયોગી બની શકે છે.
મેરમેઇડ થીમ આધારિત વિશાળ એક્વેરિયમ.
અંડરવૉટર ટનલ, જેથી પ્રવાસીઓ દરિયાઈ જીવનને નજીકથી માણી શકે.
પ્રોફેશનલ મેરમેઇડ શો, જે બાળકો અને પરિવારો માટે આકર્ષક થશે. ડોલ્ફિન શો, દરિયાઈ પ્રાણીઓના પ્રદર્શન, પરંતુ સાથે સંરક્ષણ પર ભાર.
એજ્યુકેશનલ ઝોન – દરિયાઈ જીવન, પર્યાવરણ અને પ્રકૃતિ સંરક્ષણ અંગે જ્ઞાન આપશે.
સરકાર માટે જરૂરી પગલાં
- સ્થાનની પસંદગી – દરિયાકાંઠે પૂરતા વિસ્તારવાળા પ્લૉટનો ઉપયોગ.
- આંતરરાષ્ટ્રીય સ્તરે ડિઝાઇન – વિશ્વના મોટા એક્વેરિયમના નિષ્ણાતોની મદદથી ડિઝાઇન તૈયાર કરવી.
- બહુમુખી સુવિધાઓ – એક્વેરિયમ ઉપરાંત ગાર્ડન, પાર્કિંગ, રેસ્ટોરાં, હોટલ્સ.
- સ્થાનિક રોજગાર – માર્ગદર્શક, હોટલ, ફૂડ, હસ્તકલા માર્કેટ દ્વારા હજારો રોજગારી તકો.
- ડિજિટલ માર્કેટિંગ – ગુજરાત ટુરિઝમ દ્વારા વૈશ્વિક સ્તરે પ્રચાર-પ્રસાર..
- સફારી પાર્ક સાથે જોડાણ – બરડા સફારી પાર્કની જેમ જલપરી પાર્કને પણ પ્રવાસી નકશામાં સ્થાન અપાવવું.
લાભો
પોરબંદરમાં પ્રવાસીઓનું રોકાણ સમય વધશે (હાલ 2-3 કલાક → ઓછામાં ઓછા 4-6 કલાક).
સ્થાનિક અર્થતંત્ર મજબૂત બનશે.
હોટલ, રેસ્ટોરાં અને વાહન વ્યવસાયને પ્રોત્સાહન મળશે.
આંતરરાષ્ટ્રીય સ્તરે પોરબંદરને નવું પર્યટન ચિહ્ન મળશે.
બાળકો અને યુવાનો માટે શૈક્ષણિક-મનોરંજક અનુભવ.
જેમ ગુજરાતે વિશ્વ નું સૌથી મોટું ક્રિકેટ સ્ટેડિયમ અને વિશ્વ નું સૌથી ઊંચું “સ્ટેચ્યુ ઓફ યુનિટી” બનાવીને વૈશ્વિક નકશામાં સ્થાન મેળવ્યું છે, તેમ જ “વિશ્વનો સૌથી મોટો જલપરી પાર્ક” પોરબંદરમાં સ્થાપીને રાજ્ય અને દેશ પ્રવાસન ક્ષેત્રે નવો માઇલસ્ટોન બનાવી શકે છે. પોરબંદરનું ઇતિહાસિક, ધાર્મિક અને સાંસ્કૃતિક મહત્વ તો વિશ્વપ્રસિદ્ધ છે, હવે જો મેરમેઇડ પાર્કનું સ્વપ્ન સાકાર થાય તો આ શહેર “દરિયાઈ પર્યટન”નું પણ કેન્દ્ર બની જશે.
